English version coming soon

Jakkapeysa í Kimono stíl
Hugmyndin að þessari peysu var frekar einföld, mig langaði í þægilega peysu, opna og sem myndi ekki falla út af öxlunum þótt mikið gangi á. Ég valdi Devonia frà John Arbon sem er eitt af mínu uppáhalds garni og paraði það með móher silki frá Ito. Að sjálfsögðu er hægt að nota hvaða garn sem er svo lengi sem þið náið prjónfestunni. Síddin réðist af því að ég er mikil kjólakona og þessi sídd er fullkomin sem kjólapeysa. Þar sem peysan er prjónuð ofan frá og niður er mjög auðvelt að máta og bæta við sídd eftir þörfum.

Garn
Devonia DK og Ito sensai haldið saman, Holst Cielo eða það garn sem þið náið prjónfestu með.

Prjónfesta 18l á 10cm í munstri á prj 5mm

Prjónastærð 5mm

St 1-2-3-4-5
Yfirvídd peysu er 120cm, 140cm, 160cm, 180cm, 200cm og gert er ráð fyrir að taka st sem er ca 20-40cm meiri en brjóstmál segir til um. Bleika peysan er með 40cm yfirvídd og græna með 35cm yfirvídd.

Garnmagn ca 1000-1100-1200-1300-1400m af hvoru garni fyrir sig ef haldið er tveim þráðum saman.

Byrjað er á að gera snúru. Bakstykkið og framstykkið er svo tekið upp frá snúrunni. Ef þið viljið að snúran sé með öðrum lit þá gerir það skemmtilegan svip en er ekki nauðsynlegt. Í bleiku peysunni var notaður annar litur af móher þræðinum í snúruna.